Ceremonia e Diplomimit në FGJH – Ditë Emocionesh, Suksesesh dhe Krenarie!

Fakulteti i Gjuhëve të Huaja zhvilloi me krenari dhe emocion Ceremoninë e Diplomimit, një moment i shumëpritur që kurorëzoi punën, përkushtimin dhe ëndrrat e studentëve tanë.

Ceremonia u hap me fjalën e Dekanes së Fakultetit të Gjuhëve të Huaja, Prof. Dr. Esmeralda Kromidha, e cila vuri në dukje se qëllimi i Fakultetit të Gjuhëve të Huaja është të formojë njerëz që mendojnë lirshëm, krijojnë me guxim dhe veprojnë me përgjegjësi, njerëz që i japin gjuhës fuqi për të afruar, për të ndriçuar dhe për të ndryshuar botën – përmes dialogut, veprimit dhe imagjinatës si dhe të krijojë profesionistë të zotë në mësimdhënie, përkthim, komunikim dhe ndërmjetësim kulturor.

Në vijim, të pranishmit u përshëndetën nga Zv. Rektorja, Prof. Dr. Anila Paparisto, ndërsa Ministrja e Arsimit, znj. Mirela Kumbaro, njëkohësisht edhe alumni, përcolli një mesazh të veçantë frymëzues për të diplomuarit dhe theksoi rëndësinë e ndërkombëtarizimit dhe profilizimit të studimeve duke krijuar urat e bashkëpunimit me universitetet evropiane.

Moment i veçantë ishte edhe fjala e studentes ekselente, Mikena Bilbili, e cila shprehu mirënjohjen dhe emocionet e saj në emër të brezit të sapodiplomuar.

Gjatë ceremonisë u ndanë:

Medalje për studentët ekselentë