Master i Shkencave në Mësuesi “Gjuhë e Huaj, Gjuhë Angleze”
|
Titulli akademik i studimit |
Diplomë Master i Shkencave në Mësuesi “Gjuhë e huaj, Gjuhë Angleze” |
|
Cikli i studimit |
Studime të Ciklit të Dytë |
|
Emri dhe statusi i institucionit |
Universiteti i Tiranës, Institucion Publik |
|
Gjuha e përdorur në mësimdhënie/ provime |
Anglisht (Shqip për lëndë të caktuara) |
|
Kohëzgjatja zyrtare e programit të studimit |
2 (dy) vite |
|
Forma e studimit |
Me kohë të plotë |
Objektivat dhe veprimtaritë formuese të programit të studimit
Programi Master i Shkencave në Mësuesi “Gjuhë e huaj, Gjuhë Angleze” ofrohet në Fakultetin e Gjuhëve të Huaja nga Departamenti i Gjuhës Angleze dhe synon të përgatisë mësues të arsimit të mesëm të lartë, të specializuar për mësimdhënien e gjuhës angleze, të aftë për të ushtruar profesionin e ri në mënyrë të efektshme dhe për të nxënë gjatë gjithë jetës.
Programi ka këto objektiva:
- Të ofrojë një formim të thelluar teorik në lëndët mësimore për të cilat studenti përgatitet si mësues;
- Të formojë kompetenca për përmbushjen e roleve të ndryshme të mësuesit;
- Të zhvillojë aftësi të kërkimit shkencor në fushën e edukimit;
- Të zhvillojë aftësi për reflektim e zhvillim profesional.
Kompetencat
- Kompetencë të thelluar të përdorimit të gjuhës se huaj të parë (angleze) dhe të dytë;
- Kompetencë të thelluar për të dhënë mësim në kontekste të shumëllojshme, në arsimin e mesëm;
- Kompetencë të thelluar në njohjen dhe zbatimin e teknikave të ndryshme të mësimdhënies që mundësojnë përfshirjen aktive të nxënësve dhe lehtësojnë përvetësimin e gjuhës së huaj;
- Kompetencë të thelluar në përdorimin e teknologjive të mësimdhënies;
- Aftësi të lartë në leximin dhe vlerësimin e literaturës metodike dhe kërkimet e kohës në këtë fushë;
- Aftësi të lartë në përfshirje në punë kërkimore në fushën e mësimdhënies;
- Aftësi të lartë në përshtatjen dhe krijimin e teknikave të reja në fushën e mësimdhënies;
- Aftësi të lartë në nxitjen e vlerave shoqërore/kulturore, si dhe në zhvillimin dhe edukimin ndërkulturor të nxënësve.
Praktika profesionale
Praktika profesionale përbën një element të rëndësishëm në kurrikulat e programit të studimit Master i Shkencave në Mësuesi “Gjuhë e huaj, Gjuhë Angleze”. Praktika parashikon të mundësojë përdorimin e njohurive të fituara në kurset teorike, në një kontekst praktik dhe profesional. Praktika mësimore e këtij programi zhvillohet në institucione arsimore të arsimit të mesëm të lartë, shkolla publike dhe jopublike të arsimit parauniversitar, këtej e tutje, shkolla. Praktika synon zhvillimin e aftësive të mësimdhënies së gjuhës së huaj, zbatimin praktik të metodave mësimdhënëse të përvetësuara, si dhe për të provuar dhe vlerësuar njohuritë dhe bindjet për mësimdhënie të studentëve. Praktika ka për qëllim aftësimin e studentëve në veprimtarinë mësimdhënëse të gjuhës angleze, njohjen me politikat arsimore dhe problematikën aktuale të shkollës dhe të arsimit në tërësi
Mundësitë e punësimit dhe të kualifikimit profesional
Studentët që diplomohen në këtë program studimi mund të punësohen si:
- Mësues i gjuhës angleze në çdo lloj institucioni arsimor si shkolla të arsimit parauniversitar (publike dhe private).
- Mësues i gjuhës angleze në institucione arsimore private si qendra të gjuhëve të huaja.
- Specialist i lartë për kurrikulën në institucione të specializuara në fushën e arsimit ose institucione të lidhura me edukimin.
Specialist i lartë në organizata qeveritare dhe joqeveritare që veprojnë në nivel lokal, rajonal ose kombëtar dhe që kanë si objekt të veprimtarisë së tyre çështje të arsimit.
PLANI MËSIMOR Master i Shkencave në Mësuesi “Gjuhë e huaj, Gjuhë Angleze"”
