Botime dhe Revista Shkencore

Revista shkencore “FGJH”, ISSN 2664-7346, u botua për herë të parë në dhjetor të vitit 2019. Kjo revistë u themelua me nismën e Prof. Dr. Artur SULA , në atë kohë dekan i Fakultetit të Gjuhëve të Huaja.

Revista botohet një herë në vit dhe përmban artikuj shkencorë origjinalë nga fusha e gjuhësisë dhe e letërsisë, përkthimit, komunikimit, qytetërimit dhe kulturës. Po ashtu ajo përmban edhe rubrika të tjera, si: recensa të librave studimorë të autorëve shqiptarë, libra të rinj shkencore, aktivitete shkencore në Fakultetin e Gjuhëve të Huaja etj. Revista është e hapur për të gjithë ata studiues të rinj apo me përvojë, kolegë dhe studentë që kanë dëshirë të sjellin diçka të re dhe të rëndësishme në fushat e ndryshme të kërkimit shkencor.

Bordi editorial dhe ai shkencor i përmbahen të gjitha kritereve të nevojshme për të sjellë një revistë cilësore në zbatim të të gjitha rregullave ndërkombëtare të botimit shkencor.