📚🎓 Sot, pranë Fakultetit të Gjuhëve të Huaja, Universiteti i Tiranës, u zhvillua me sukses mbrojtja e disertacionit nga znj. Megi Plaku, doktorante në Departamentin e Gjuhës Angleze, me temën: “Veçori të terminologjisë në fushat e mekanikës dhe ndërtimit dhe përvetësimi i saj në mësimin e gjuhës angleze për qëllime specifike”, nën drejtimin shkencor të Prof. Dr. Daniela Tamo.
Ky studim ndërdisiplinor ofron një qasje të re për përvetësimin e terminologjisë teknike në mjedisin akademik dhe profesional, duke integruar kërkimin terminologjik me metodat bashkëkohore të mësimdhënies së anglishtes për qëllime specifike. Gjetjet e punimit propozojnë një model të dobishëm për edukimin e studentëve dhe profesionistëve në fushat teknike, duke përforcuar lidhjen mes dijes gjuhësore dhe asaj tekniko-shkencore.
🔬🧠 Studimet doktorale dhe kërkimi shkencor janë themeli i përparimit akademik dhe teknologjik të një vendi. Ky disertacion është dëshmi e kontributit të vazhdueshëm që Fakulteti i Gjuhëve të Huaja dhe Universiteti i Tiranës japin në ngritjen e standardeve akademike dhe zhvillimin e dijes në nivel kombëtar.
Urime znj. Megi Plaku për këtë arritje të merituar dhe shumë suksese në rrugëtimin e saj akademik! 🌟
#UniversitetiTiranës #FakultetiGjuhëveTëHuaja #KërkimiShkencor #StudimeDoktorale #MegiPlaku #GjuhaAngleze #TerminologjiTeknike #ESP #AkademiaShqiptare #Disertacion #MbrojtjeDoktorature
