Studentët e Masterit Shkencor “Mësuesi”, në Departamentin e Gjuhës Frënge, FGJH-UT, prezantuan projektet e tyre në kuadër të kursit Metoda të mësimdhënies dhe mendimi kritik.
📌 Tema qendrore: Mësimdhënia efektive e gjuhës së huaj kërkon një mësues reflektues, strategjik dhe të ndjeshëm ndaj proceseve dhe nevojave të nxënësve.
✨ Nga prezantimet e studentëve u theksua se:
- Mësuesi nuk është thjesht transmetues i njohurive, por mentor dhe motivues që udhëheq nxënësin drejt autonomisë dhe mendimit kritik.
- Strategjitë dhe reflektimi metakognitiv janë çelësi për të transferuar njohuritë në situata reale komunikimi.
- Faktorët personalë të nxënësve, si stili i të nxënit dhe toleranca ndaj paqartësive, ndikojnë drejtpërdrejt në mënyrën se si mësohet gjuha e huaj.
💡 Mesazhi kryesor: Të mësosh një gjuhë të huaj nuk është vetëm të mësosh fjalë dhe rregulla, por të mësosh si të mësosh, të reflektosh, të përshtatesh dhe të zhvillosh besim në vetvete.
📷 Në foto: studentët duke prezantuar projekte që përforcojnë këtë vizion të mësimdhënies moderne.
