KONKURS PËR VIDEON MË TË MIRË PROMOVUESE TË TERRITORIT TË SHQIPËRISË

“Video më e mirë promovuese – Atdheu im”

Prill-Maj 2023

Në kuadër të fuqizimit të marrëdhënieve me sektorin e biznesit, kompania Zenith Travel & Tours, kompani lider në sektorin e turizmit në Shqipëri, në bashkëpunim me Fakultetin e Gjuhëve të Huaja të Universitetit të Tiranës organizojnë konkursin “Video më e mirë promovuese – Atdheu im”.

Kush mund të marrë pjesë në konkurs? :

– Studentë të Fakultetit të Gjuhëve të Huaja të Universitetit të Tiranës të regjistruar në programet e ciklit të parë dhe të dytë të studimit.

Cila duhet të jetë përmbajtja e videos?:

– Video duhet të jetë e regjistruar në formën e një reportazhi ku promovohet një destinacion specifik turistik i territorit të Shqipërisë, trashëgimi materiale dhe jomateriale;

– Regjistrimi i zërit shoqërues të videos duhet të jetë në gjuhë të huaj;

Formati i videos : Opsion horizontal/landscape/ Reel

Adresa e dërgimit të videos: Videot duhet të dërgohen me Wetransfer në : [email protected]

Afati për dërgimin e videos: 10 maj 2023

Shpallja e fituesit : 15 maj 2023

Video më e mirë promovuese –Atdheu im do të përzgjidhet nga një juri e përbashkët mes përfaqësuesve të kompanisë Zenith dhe stafit akademik të FGJH-së, specialistë në fushën e komunikimit turistik.

Për studentin fitues kompania Zenith Travel & Tours do të ofrojë një paketë turistike (pa pagesë) drejt Lefkadhës ose Zakinthos, 3-4 ditore.