Në kuadër të ciklit “Zëra Hispanikë në Shqipëri”, sot, në datë 25.11.2025 patëm një takim vërtet të veçantë. Shkrimtarja dhe studiuesja e njohur @María del Pilar de Couceiro na dhuroi një leksion plot pasion mbi Shekullin e Artë spanjoll, duke ndarë me ne dijet, energjinë dhe dashurinë e saj të madhe për letërsinë klasike.
Studentët dhe pedagogët e Departamentit të Gjuhës Spanjolle e ndoqën me entuziazëm këtë sesion frymëzues, duke ndjerë nga afër fuqinë e një tradite letrare që vazhdon të frymëzojë botën.
Ky aktivitet jo vetëm që pasuroi njohuritë tona, por edhe na forcoi dëshirën për të mbajtur të gjallë dialogun kulturor mes Shqipërisë dhe botës hispanike.
