Krijimi
Fakulteti i Gjuhëve të Huaja, me Urdhërin e Brendshëm nr.77, datë 02/07/2021 ngriti Njësinë e Sigurimit të Cilësisë së Fakultetit të Gjuhëve të Huaja. Njësia e Sigurimit të Cilësisë është një strukturë ndihmësakademike me karakter administrativ, detyrat dhe përgjegjësitë e së cilës përcaktohen në Rregullore për Sigurimin e Cilësisë në UT, neni 26, Statuti i UT-së 2018 si dhe VKM nr. 531, datë 11.09.2018 “Për Miratimin e Kodit të Cilësisë së Arsimit të Lartë”, pika VI. Që nga çasti i krijimit, NJSC është angazhuar në mënyrë aktive në planifikimin dhe zbatimin e veprimtarive monitoruese që synojnë vlerësimin e cilësisë.
Njësia e Sigurimit të Brendshëm të Cilësisë (NJSBC)
Njësia e Sigurimit të Brendshëm të Cilësisë është përgjegjëse për kontrollin dhe përmirësimin e cilësisë. NJSBC harton standardet për sigurimin e cilësisë së brendshme në përputhje me Kodin e Cilësisë. Njësia realizon vlerësime periodike për veprimtarinë mësimore dhe kërkimore-shkencore. Detyrë integrale e kësaj njësie është gjithashtu realizimi i pyetësorit të studentëve çdo fund semestri, mbi cilësinë e mësimdhënies për lëndët e çdo programi të ofruar.
Vlerësimi i cilësisë në kuadër të Akreditimit të Institucioneve të Arsimit të Lartë dhe programeve të Studimit
Fakulteti i Gjuhëve të Huaja ka kaluar me sukses procesin e vlerësimit të brendshëm të cilësisë në kuadër të akreditimit të programeve Bachelor në të gjitha profilet që ai ofron, në programin Master i Shkencave në Përkthim Teknik – Letrar, Master i Shkencave në Mësuesi e Gjuhës Turke për arsimin e mesëm të lartë, në përputhje me ligjin dhe aktet nënligjore në fuqi.
FGJH ka filluar procesin e akreditimit për programet Master në Mësuesi e Gjuhës së Huaj për arsimin e mesëm të lartë, Master i Shkencave në Komunikim Ndërkulturor Turistik Trigjuhësh, Doktoratë në Shkenca Humane.
