Këto zyra luajnë një rol thelbësor në mbështetje të studentëve, duke ofruar burime dhe ndihmë në çdo hap të procesit të tyre akademik.
Gjatë takimit, studentët u informuan për shërbimet që ofrojnë këto zyra, të cilat janë të dedikuara për të dhënë ndihmesën e tyre në zhvillimin akademik dhe profesional. Disa nga aktivitetet dhe mundësitë që u prezantuan përfshijnë:
Trajnime dhe workshop-e: zhvillimi i aftësive praktike dhe profesionale
Leksione të hapura: mundësi për të marrë pjesë në leksione nga profesionistë të fushave të ndryshme
Pyetësorë dhe vlerësime: përcaktimi i nevojave dhe preferencave të studentëve
Shkolla verore/dimërore: mundësi për të thelluar njohuritë dhe për të përvetësuar aftësi të reja në një ambient joformal
Aktivitete të ndryshme ekstrakurikulare: pjesëmarrje në klube studentore dhe organizata që ofrojnë mundësi për zhvillimin e aftësive sociale, rrjetëzimin dhe angazhimin në aktivitete që përmirësojnë jetën e përditshme universitare.
Suksese të gjithë studentëve në këtë fillim të ri! Jemi të sigurt se ky vit akademik do të sjellë shumë mundësi dhe përvoja të paharrueshme.