Digital Transformation in Language Study and Education of the Western Balkans (DiLanEdu-WB)

Objektivat e projektit

• Përditësimi dhe modernizimi i programeve të studimit në fushën e gjuhësisë dhe edukimit gjuhësor përmes integrimit të metodave dhe mjeteve digjitale në procesin e mësimdhënies dhe kërkimit shkencor.
• Krijimi dhe zhvillimi i laboratorëve të specializuar për përdorimin e teknologjive digjitale në mësimdhënien, nxënien dhe kërkimin gjuhësor.
• Forcimi i kompetencave digjitale të pedagogëve dhe studentëve në përdorimin e mjeteve bashkëkohore teknologjike në arsimin e lartë.
• Krijimi i një rrjeti bashkëpunimi ndërmjet universiteteve të Ballkanit Perëndimor dhe partnerëve evropianë për promovimin e inovacionit në studimet dhe edukimin gjuhësor.

Përmbledhje e veprimtarive dhe rezultateve të projektit

Projekti “Digital Transformation in Language Study and Education of the Western Balkans (DiLanEdu-WB)” synon të mbështesë transformimin digjital të studimeve dhe edukimit gjuhësor në universitetet e Ballkanit Perëndimor. Projekti është konceptuar si një nismë ndërkombëtare bashkëpunimi që adreson nevojën për integrimin e teknologjive moderne në procesin e mësimdhënies, të nxënit dhe kërkimit shkencor në fushën e gjuhëve.
Në kuadër të projektit po realizohen aktivitete për analizimin e nevojave institucionale, përditësimin e kurrikulave universitare, zhvillimin e moduleve dhe materialeve mësimore digjitale, si dhe krijimin e laboratorëve të specializuar për edukimin dhe kërkimin gjuhësor. Një rëndësi e veçantë i kushtohet zhvillimit të kompetencave digjitale të stafit akademik dhe studentëve, si dhe përdorimit të metodave inovative në mësimdhënien e gjuhëve.
Departamenti i Gjuhës Greke i Fakultetit të Gjuhëve të Huaja, Universiteti i Tiranës, merr pjesë aktivisht në zbatimin e projektit përmes përfshirjes në aktivitetet akademike, trajnimet ndërkombëtare, zhvillimin e materialeve mësimore dhe kontributit në modernizimin e studimeve gjuhësore në përputhje me standardet evropiane të arsimit të lartë.
Projekti kontribuon në forcimin e bashkëpunimit akademik ndërkombëtar, në shkëmbimin e praktikave më të mira dhe në krijimin e një mjedisi inovativ për mësimdhënien dhe studimin e gjuhëve në epokën digjitale.

Produkte të projektit

• Përditësimi i programeve universitare në fushën e studimeve dhe edukimit gjuhësor.
• Zhvillimi i moduleve dhe materialeve mësimore që integrojnë teknologjitë digjitale në mësimdhënie.
• Organizimi i trajnimeve për zhvillimin e kompetencave digjitale të stafit akademik dhe studentëve.
• Zhvillimi i rrjeteve të bashkëpunimit ndërmjet universiteteve partnere të Ballkanit Perëndimor dhe vendeve të Bashkimit Evropian.
• Organizimi i konferencave, seminareve dhe aktiviteteve shkencore për promovimin e rezultateve të projektit.

 Link: https://dilanedu-wb.eu/

1. Seminari dhe Workshop-i Ndërkombëtar “Designing the Future of Education”
   https://www.facebook.com/share/p/19ifKE94Pw/
   https://www.facebook.com/share/p/1CnX9kZBkW/
2. Zhvillimi i kursit mikro-kredencial “Introduction to Professional Translation in Trados Studio”
   https://www.facebook.com/share/p/1BTVapcpzp/
3. Zhvillimi i kursit mikro-kredencial “eLearning – Efficiently Manage Translation Projects with Trados”
   https://www.facebook.com/share/p/1CgED7aiW5/
4. Programi i Trajnimit “Python Programming for Natural Language Processing (NLP)”
   https://www.facebook.com/share/p/18thaVqLgF/
5. Përditësimi dhe zbatimi i lëndës “Translation Technology”
   https://www.facebook.com/share/p/1H1TiUXUpF/