Dorëshkrimet e Konferencës Shkencore Ndërkombëtare me temë “Përkthimi dhe Komunikimi, Sfidat dhe Përparësitë në Rrafshin Ndërkombëtar”

Konferenca Shkencore Ndërkombëtare me temë “Përkthimi dhe Komunikimi: Sfidat dhe Përparësitë në Rrafshin Ndërkombëtar” u zhvillua më 28 Prill 2023, në Fakultetin e Gjuhëve të Huaja, Universiteti i Tiranës, organizuar nga Departamenti i Gjuhës Greke në bashkëpunim me Universitetin Ionian të Greqisë. Kjo konferencë u fokusua në sfidat dhe përparësitë e përkthimit dhe komunikimit në kontekste ndërkombëtare, duke theksuar rëndësinë e përkthimit për të mundësuar komunikimin ndërkulturor dhe ndërgjuhësor. Nëntemat përfshinin aspekte si komunikimi ndërkulturor, përkthimi i referencave kulturore, frazeologjia dhe teknologjitë e reja në përkthim. Konferenca mblodhi studiues, pedagogë, doktorantë dhe profesionistë për të shkëmbyer hulumtime dhe ide në fushën e përkthimit dhe komunikimit. Punimet e saj ofrojnë një bazë të rëndësishme për kërkime të mëtejshme në këtë fushë.