Sot, më 18.03.2025, Fakulteti i Gjuhëve të Huaja zhvilloi trajnimin me temë “Design Thinking dhe Motivimi” 🎓💡 me profesor Artan Fugën, profesor i komunikimit në Universitetin e Tiranës dhe anëtar i Akademisë së Shkencave të Shqipërisë 📚. Ky trajnim shërbeu si një mundësi shumë e mirë për studentët dhe pedagogët për t’u njohur me metodat inovative të mendimit krijues 🤔✨ dhe zbatimet praktike në fushat e arsimit, sipërmarrjes dhe menaxhimit.
Profesor Fuga shpjegoi se si kjo qasje i ndihmon individët dhe grupet të gjejnë zgjidhje kreative për problematika të ndryshme 💡🔍. Ai theksoi rëndësinë e empatisë, përkufizimit të problemeve, ideimit, prototipimit dhe testimit si hapa kyç në këtë proces.
Ky trajnim jo vetëm që ishte informues, por edhe frymëzues, duke nxitur të pranishmit të mendojnë jashtë kornizave tradicionale. Pjesëmarrësit shprehën vlerësimin e tyre për mënyrën e qartë dhe frymëzuese të profesor Fugës 👏, duke e bërë këtë aktivitet një sukses të vërtetë.
Takimi u shoqërua me një sesion pyetjesh dhe përgjigjesh, si dhe me këshilla shumë të vlefshme për studentët dhe pedagogët.
Faleminderit të gjithëve që morën pjesë dhe kontribuuat në këtë diskutim të frytshëm! 🙏
