THIRRJE PËR PJESËMARRJE!
Konferenca Shkencore Ndërkombëtare Studentore, Edicioni IV.
Universiteti i Tiranës fton studentët të bëhen pjesë e Edicionit të IV të Konferencës Shkencore Ndërkombëtare Studentore, një mundësi e veçantë për të prezantuar kërkimin shkencor, për të ndarë ide dhe për të shkëmbyer përvoja akademike.
Afati i përditësuar për dorëzimin e punimeve: 23 nëntor 2026!
Konferenca do të zhvillohet në format hibrid, duke mundësuar pjesëmarrjen si fizikisht, ashtu edhe online.Në konferencë mund të marrin pjesë studentë të nivelit Bachelor, Master dhe Doktoraturë, nga Universiteti i Tiranës, diaspora, hapësira shqipfolëse dhe institucione të tjera të arsimit të lartë.
Disa informacione të rëndësishme:* Punimet duhet të përgatiten në gjuhën angleze.
* Ato duhet të respektojnë formatin dhe udhëzimet e publikuara në faqen zyrtare të konferencës.
* Dorëzimi realizohet online, në rubrikën “Ngarko Punimin”.
Të gjithë studentët pjesëmarrës do të pajisen me certifikatë pjesëmarrjeje, ndërsa punimet e përzgjedhura do të botohen në Book of Proceedings (Botimin Elektronik të Konferencës).
Për më shumë informacion, udhëzimet dhe dorëzimin e punimeve, vizitoni faqen zyrtare:
Mos e humbisni mundësinë për të ndarë punën tuaj kërkimore dhe për të qenë pjesë e një platforme ndërkombëtare të shkëmbimit akademik!