Galeria e Panairit Work & Study 2023 për Qytetin e Tiranës

Fakulteti i Gjuhëve të Huaja ishte pjesë e hapjes së panairit “Work & Study” ku u fol për klimën e biznesit dhe mundësitë e shumta për maturantët dhe studentët.

Fakulteti i Gjuhëve të Huaja ishte pjesë edhe këtë vit i panairit “Work & Study” në të gjitha rrethet e Shqipërisë, dhe përmbylli sot promovimin e ofertës akademike në panairin dy ditor në Tiranë.

Maturantët u njohën me programet e studimit që FGJH ofron në ciklin Bachelor dhe atë Master, si dhe orientimin e tyre përgjatë viteve të studimit drejt profesionit që ata kanë zgjedhur, duke ju mundësuar gjithashtu hyrjen në tregun e punës nëpërmjet marrëveshjeve që fakulteti ka me institucione dhe biznese të ndryshme.

Fakulteti i Gjuhëve të Huaja fton të gjithë maturantët të zgjedhin një fakultet të vërtetë europian në cilësinë e mësimdhënies dhe me ambjente bashkëkohore.