Sot, më 23 tetor 2024, Fakulteti i Gjuhëve të Huaja, në bashkëpunim me spitalin “Mbretëresha Geraldinë”, organizoi një takim informues në kuadër të fushatës “Tetori Rozë”, me synimin për të rritur ndërgjegjësimin për shëndetin gjinor dhe rëndësinë e kontrollit të hershëm për llojet e ndryshme të tumoreve.Pjesëmarrësit patën mundësinë të dëgjojnë Dr. Ersilda Dedja dhe Dr. Marinela Lica, të cilat ndanë njohuri të vlefshme mbi parandalimin dhe diagnostikimin e hershëm të kancerit të gjirit dhe llojeve të tjera.
Theksi u vu te rëndësia e vetëkontrollit dhe ekzaminimeve të rregullta, duke i nxitur të gjitha gratë dhe vajzat të kenë një qasje proaktive ndaj shëndetit të tyre.Ky takim shërbeu si një platformë për të informuar, diskutuar dhe ndarë përvoja, duke u angazhuar në një bisedë të hapur mbi shëndetin dhe mirëqenien.
Ne falënderojmë të gjithë ata që kontribuuan dhe morën pjesë në këtë aktivitet të rëndësishëm.
Diagnostikimi i hershëm shpëton jetë!
