👩🏫 Dëshiron të përgatitesh për profesionin e mësuesit të Gjuhës Angleze?
Programi Master i Shkencave në Mësuesi, Gjuhë e Huaj, Gjuhë Angleze, i ofruar nga Departamenti i Gjuhës Angleze, synon të përgatisë profesionistë të aftë për të ushtruar me efektivitet profesionin e mësuesit dhe për të vijuar zhvillimin e tyre profesional gjatë gjithë jetës.
📚 Gjatë këtij programi do të zhvillosh:
🔹 Njohuri të thelluara teorike në fushën e mësimdhënies së Gjuhës Angleze;
🔹 Kompetenca për të dhënë mësim në kontekste të ndryshme të arsimit të mesëm;
🔹 Aftësi për përdorimin e teknikave moderne dhe të larmishme të mësimdhënies;
🔹 Kompetenca në përdorimin e teknologjive në procesin mësimor;
🔹 Aftësi për të lexuar dhe vlerësuar literaturën metodike dhe kërkimet bashkëkohore në fushën e edukimit;
🔹 Aftësi për t’u përfshirë në kërkime shkencore në fushën e mësimdhënies;
🔹 Aftësi për të përshtatur dhe krijuar teknika të reja në funksion të procesit mësimor;
🔹 Kompetenca për të nxitur vlerat shoqërore e kulturore dhe edukimin ndërkulturor të nxënësve. 🌍
✨ Ky program të ndihmon të ndërthurësh njohuritë, metodologjinë, teknologjinë dhe kërkimin shkencor për t’u përgatitur për një karrierë në fushën e arsimit.
🎓 Vazhdo studimet. Specializohu. Përgatitu për profesionin e mësuesit të Gjuhës Angleze!
📍 Departamenti i Gjuhës Angleze
Fakulteti i Gjuhëve të Huaja – Universiteti i Tiranës