Dominique Barbéris në Fakultetin e Gjuheve të Huaja!

Në kuadër të Festivalit të Letërsisë Evropiane, në bashkëpunim me Ambasadën Franceze, sot, në ambientet e Fakultetit të Gjuhëve të Huaja, patëm kënaqësinë të mirëpresim autoren e njohur franceze, Dominique Barbéris, e vlerësuar me “Çmimin e Madh të Romanit” për vitin 2023 nga Akademia Franceze. Ajo ndau me ne pasionin për letërsinë, duke folur për librin e saj “Une façon d’aimer”.

Në ligjëratën e saj, Barbéris theksoi rëndësinë e detajeve të vogla dhe fuqinë e pasqyrimit të ndjeshmërive të brendshme të personazheve, duke krijuar një atmosferë të veçantë, ku lexuesi mund të përjetojë dhe të reflektojë mbi dashurinë dhe marrëdhëniet ndërpersonale. Stili i saj i rafinuar dhe introspektiv shfaq një lidhje të ngushtë mes autorit dhe lexuesit, duke krijuar një eksperiencë letrare të paharrueshme.

Pas ligjëratës, autorja iu përgjigj pyetjeve të studentëve dhe pedagogëve, duke ndarë më shumë për procesin e saj krijues dhe sfidat e shkrimit. Ishte një mundësi e shkëlqyer për të mësuar nga një shkrimtare e shquar dhe për të diskutuar temat e thella që ajo trajton në veprat e saj.

Një falënderim i veçantë për Dominique Barbéris për këtë takim të paharrueshëm dhe për frymëzimin e mrekullueshëm që na dha përmes pasionit të saj për letërsinë! ✨📖

#DominiqueBarberis #UneFaconDAimer #LetërsiFranceze #FakultetiIGjuheveTeHuaja #TakimeMeAutore #ShkrimtarëTëNjohur #Libra #PasqyrimiIEmocioneve