Përbërja e Këshillit Studentor FGJH:
Steljona Gjika- Kryetare
Eligerta Losha- Anëtare
Emanuela Daci- Anëtare
Çfarë është dhe cilat janë qëllimet e KSFGJH-së?
KSFGJH-ja është një organizim i pavarur i studentëve të FGJH-së, të cilët përfaqësojnë dhe mbrojnë interesat e studentëve të FGJH-së në të gjitha programet e studimit.
KSFGJH-ja përbëhet nga studentë të zgjedhur në mënyrë demokratike si përfaqësues të studentëve të FGJH-së, me qëllim që të përcjellë kërkesat e studentëve tek administrata e Fakultetit dhe të kontribuojë në veprimtaritë arsimore në fakultet dhe në universitet.
-Qëllimi thelbësor i KSFGJH-së është të sigurojë si zhvillimin akademik dhe atë shoqëror e personal të studentëve.
-KSFGJH-ja garanton se mendimet dhe sugjerimet e komunitetit studentor përcillen në organet
vendimmarrëse të FGJH-së dhe të Universitetit të Tiranës (UT) sipas rastit.
-KSFGJH-ja promovon pjesëmarrjen e studentëve në veprimtaritë akademike, kërkimore dhe shoqërore që zhvillohen në FGJH dhe më gjerë.
-Ajo mundëson një lidhje komunikimi ndërmjet administratës dhe studentëve, duke përfaqësuar
konkretisht zërin e studentëve në fakultet.
KSFGJH-ja shpreh mendime dhe jep propozime për të gjitha çështjet që kanë të bëjnë me jetën studentore në FGJH dhe në UT, si; programet akademike, rregulloret, pjesëmarrja e studentëve në programe kërkimore, organizimi i veprimtarive të ndryshme shoqërore, kulturore, artistike dhe sportive.
Si funksionon?
KSFGJH-ja vepron sipas parimeve të mirëkuptimit dhe harmonisë ndërmjet anëtarëve, studentëve dhe administratës së FGJH-së.
Këshilli Studentor përbëhet nga 5 përfaqësues (1 përfaqësues për secilin vit të dy cikleve të studimit), të zgjedhur në mënyrë demokratike nga vetë studentët në procesin e zgjedhjeve.
Gjithashtu, për një funksionim sa më eficient të Këshillit, në mënyrë që secili prej studentëve të mund të dëgjohet, çdo grup ka përfaqësuesin e vet të zgjedhur në mënyrë demokratike, që e përfaqëson atë në Këshillin e Studentëve të FGJH-së.
Detyrat e një përfaqësuesi grupi:
-Të diskutojë dhe të përpiqet të gjejë zgjidhje për problemet studentore që mund të ngrihen;
-Të tejçojë çdo vendim që merret dhe çdo lajmërim te studentët e grupit që përfaqësojnë;
-Të kontribuojë që studentët të jenë aktivë dhe të përmirësojnë aftësitë e tyre organizuese dhe drejtuese;
-Të krijojë struktura të tilla që do të shërbejnë për informimin e vazhdueshëm të studentëve dhe për t’u kujdesur për ecurinë e tyre;
-Të zhvillojë shërbime të ndryshme që do të ndihmojnë në jetën studentore;
-Të nxitë studentët që t’i përmirësojnë aftësitë akademike dhe kulturore;
-Të veprojë në përputhje me statutin e UT-së, rregulloret dhe dispozitat e tjera në fuqi.
