Sot, më 2 tetor 2023, në nisje të procesit mësimor të vitit të ri akademik 2023-2024, Dekania e Fakultetit të Gjuhëve të Huaja të Universiteti i Tiranes. Faqja Zyrtare, Prof. Dr. Esmeralda KROMIDHA së bashku me Drejtuesit e Njësive Bazë, personelin akademik të njësive përkatëse si edhe strukturat në mbështetje të procesit mësimor dhe atij kërkimor, organizuan takimet e mirëseardhjes me studentët që kanë zgjedhur programet tona mësimore e që për herë të parë, ulen sot në auditoret tona!.
Studentët e vitit të parë të Departamentit të Gjuhës Angleze, Gjermane, Frënge, Italiane, Greke, Spanjolle dhe Sllave dhe Ballkanike, u njohën me veçoritë e secilit program studimi të zgjedhur prej tyre, organizimin e Fakultetit të Gjuhëve të Huaja, të drejtat e tyre si student së bashku me përgjegjësitë..
Gjithashtu, ata u njohën me mundësitë e shumta që u ofrohen gjatë rrugëtimit të tyre akademik në ciklin Bachelor si edhe më tej në programet e ciklit të dytë Master, posaçërisht;– Angazhimit të tyre të drejtpërdrejtë në projekte mësimore-kërkimore;
– Mundësive të shumta mobiliteti në kuadër të shkëmbimeve Erasmus+;
– Veprimtarive me karakter social dhe kulturor në kuadër të gjallërimit të jetës së tyre universitare: Klube studentore
.
Krahas fillimit të procesit mësimor, kjo javë do të jetë një javë informuese dhe orientuese për studentët tanë në lidhje me të gjitha shërbimet që ofron FGJH..
Suksese të gjithë studentëve dhe pedagogëve në vitin akademik 2023-2024!
