Grupi Mësimor Kërkimor Letërsi e Gjuhës Gjermane
Kryetar: Dr. Marsela Likaj
Grupi Mësimor-Kërkimor i Letërsisë në Departamentin e Gjuhës Gjermane, ka në fokus analizimin e programeve lëndore, performancën e pedagogëve dhe ecurinë e studentëve në lëndët e kësaj fushe, duke synuar rezultate që të reflektohen mbi situatën aktuale (duke marrë parasysh analizën e pyetësorëve të studentëve) dhe piketimin e prioriteteteve kyçe për të ardhmen, të cilat pritet të shërbejnë si bazë për hartimin e strategjive të zhvillimit në nivel grupi, departamenti dhe fakulteti, për vitet 2022-2024. Dhënia hov kërkimit shkencor në fushën e letërsisë gjermane është një tjetër synim i këtij grupi kërkimor duke patur si synim edhe çeljen e shkollës doktorale në këtë fushë.
Lidhur me programet e studimit të ofruara, ky grup pune do të punojë në dy drejtime. Së pari, do të punojë për zbatimin e programeve të ciklit të parë dhe të dytë të studimeve, Bachelor dhe Master, së dyti do të punohet për përditësimin apo reformimin e programeve ekzistuese, në përputhje me kërkesat e ligjit të ri të AL dhe tregut të punës.
Objektiva për vitin 2023-2024
Grupi Mësimor-Kërkimor i Letërsisë së Gjuhës Gjermane, në bashkëpunim edhe me grupet analoge në departamentet e tjera të fakultetit planifikon të iniciojë aktivitete të përbashkëta shkencore dhe letrare, në të cilat profesorë dhe studiues të letërsisë në gjuhë të ndryshme të gjejnë pika takimi dhe të diskutojnë rreth tyre me synimin për krijimin e një baze për Letërsinë e krahasuar, e cila ende nuk ka zënë vend në programet tona.
Grupi Mësimor-Kërkimor i Letërsisë së Gjuhës Gjermane, në bashkëpunim edhe me grupin e Përkthim-Interpretimit në departamentin tonë do të marrë në shqyrtim nevojën e një analize të fondit të përkthimeve letrare nga gjuha gjermane dhe anasjelltas me synim që t’i japë hov kritikës letrare të veprave të përkthyera nga kjo gjuhë.
Grupi Mësimor-Kërkimor i Letërsisë së Gjuhës Gjermane do të synojë edhe pasurimin e bibliotekës së gjuhës gjermane me literaturë të re bashkëkohore nga fusha e letërsisë.
Aktivitete të grupit:
- Në kuadër të konferencës shkencore ndërkombëtare që do të organizojë departamenti në 26-27 prill 2023 me temë “Ndërkulturalizmi, shumëgjuhësia dhe politika(t) gjuhësore në kontekstin evropian”, grupi ynë mësimor-kërkimor do të paraqesë punën studimore nëpërmjet kumtesave që do të mbahen në seksionin “Letërsi dhe kulturë”. (Shpenzimet e lidhura me këtë aktivitet do të mbulohen nga buxheti i vitit 2022-2023.)
- Anëtarët e këtij grupi mësimor-kërkimor do të marrin pjesë në konferenca ndërkombëtare, workshope, publikime në revista shkencore brenda dhe jashtë vendit, një pjesë e tyre të planifikuara tashmë individualisht.
- Në tetor-nëntor 2023 po planifikohet një Simpozium Shkencor mbi autoren Ingeborg Bachmann, me rastin e 50-vjetorit të vdekjes së autores. Aktiviteti do të mbështetet nga Ambasada Austriake në Tiranë.
- Aplikimi në projekte në kuadër të programeve të BE, READ, AKKSH etj. do të jetë në fokus të këtij grupi mësimor sikurse dhe përfshirja në projektet ERASMUS për më shumë mobilitet të pedagogëve; projekte të përbashkëta zhvillimi të inkurajuara nga organizata të ndryshme etj.
Aktivitete letrare me studentët
Duke vijuar përvojën e mirë të krijuar vitet e fundit lidhur për promovimin e letërsisë, kemi planifikuar këto aktivitete:
- Konkursi i përkthimit letrar (prill 2023). Në bashkëpunim me grupin kërkimor të përkthim-interpretimit kemi nisur punën për përzgjedhjen e teksteve që do t’u ofrohen studentëve për përkthim. Këtë aktivitet që tashmë e kemi të përvitshëm do ta shtrijmë edhe tek studentët që kanë gjuhë të dytë. (Shpenzimet e lidhura me këtë aktivitet do të mbulohen nga buxheti i vitit 2022-2023.)
- Aktivitet letrar mbi autoren austriake Ingeborg Bachmann (tetor-nëntor 2023). Shfaqje e një filmi të shkurtër, disa lexime, përkthime dhe interpretime të studentëve, aktivitet që do të shoqërojë simpoziumin e planifikuar për këtë autore. Aktiviteti do të mbështetet nga Ambasada Austriake në Tiranë.
- Lexim me autoren Lindita Arapi (tetor-nëntor 2023) nga vepra e saj e fundit e përkthyer në gjuhën gjermane, që prezantohet në prill në Panairin e Librit në Lajpzig. Aktiviteti ka shtrirje rajonale dhe do të mbështetet nga Lektorati i DAAD-së në Tiranë.
Grupi Mësimor-Kërkimor i Letërsisë së Gjuhës Gjermane, në bashkëpunim edhe me grupet analoge në departamentet e tjera të fakultetit planifikon të iniciojë aktivitete të përbashkëta shkencore dhe letrare, në të cilat profesorë dhe studiues të letërsisë në gjuhë të ndryshme të gjejnë pika takimi dhe të diskutojnë rreth tyre me synimin për krijimin e një baze për Letërsinë e krahasuar, e cila ende nuk ka zënë vend në programet tona.
Grupi Mësimor-Kërkimor i Letërsisë së Gjuhës Gjermane, në bashkëpunim edhe me grupin e Përkthim-Interpretimit në departamentin tonë do të marrë në shqyrtim nevojën e një analize të fondit të përkthimeve letrare nga gjuha gjermane dhe anasjelltas me synim që t’i japë hov kritikës letrare të veprave të përkthyera nga kjo gjuhë.
